Friday, October 7, 2016

වික්‍රමසිංහ​ මහතා ඉන්දියාව බෙදන්නට යයි. නවදිල්ලිය සීරුවෙන්!

දකුණු ඉන්දියාවේ ප්‍රාන්ත පහක් සමඟ විශේෂ ආර්ථික කලාපයක් ඇති කිරීමට යෝජනා කිරීම මගින් ඉන්දියාව බෙදීමේ වෑයමකට වික්‍රමසිංහ​ මහතා අත ගසා ඇතැයි යන සැකය මත ඉන්දියානු ආරක්ෂක අංශ සීරුවෙන් තබා ඇතැයි වාර්තා වේ.

ශ්‍රී ලංකාවේ ඇති සමුර්ධිය හේතු කරගෙන එම ප්‍රාන්ත පහ දියුණුවට පත් වී අවසන ඉන්දියාවෙන් කැඩී යාමේ ඉඩක් ඇතැයි සැක පල වී ඇත​.

මෙසේ එම ප්‍රාන්ත පහ ලංකාව සමඟ එක් වූ පසු එම නව ඒකකයේ සාර්ථකත්වය දකින් අනෙක් ඉන්දියානු ප්‍රාන්ත ද එම නව රාජ්‍යය සමඟ ඒකාබද්ධ වීමේ ඉඩක් ඇතැයි විචාරකයෝ සැක පළ කරති. මෙය සමස්ථ ඉන්දියාවම අල්ලා ගැනීම සඳහා ලංකාව ගන්නා කූඨ උපායක් බව රෝ සංවිධානය මෝදි වෙත දන්වා යවා ඇත​.

මේ පිළිබඳව සෙවීමට අති විශේෂ කොමිසමක් පත් කර ඇති අතර එහි සභාපති ලෙස සල්මන් ඛාන් මහතා පත්ව සිටී.

කොමිසමේ වගකීම් සහ කාර්යභාරයන් සමඟ රත්නදීප Chronicle වෙත අදහස් දැක්වූ සල්මන් ඛාන් මහතා කියා සිටියේ පවතින තත්ත්වය අතිශය භයානක බවත් මේ හේතුවෙන් ඉන්දියාව සලිත වී ඇති බවත් ය​.

කෙසේ වෙතත් තමා මේ පිළිබඳ සෙවීමට ලංකාවට එන බවත් පැමිණි විගස මහින්ද රාජපක්ෂ​ මහතා මුණ ගැසී මේ පිළිබඳ සාකච්ඡා කරන බවත් ඔහු කියා සිටියි.

මෙම ගැටලුව පිළිබඳ තමා රාජපක්ෂ​ මහතා හා කතා කළ බව පැවසූ සල්මන් ඛාන් මහතා රෝ සංවිධානය තමා බලයෙන් එලවීමට කළ උත්සාහය තනිකරම සිරිසේනගේ උගුලකට රෝ සංවිධානය හසු වීමක් බව පවසා ඇත​.

සිරිසේන මහතා බොරු භාරත ප්‍රේමයක් පෙන්වා රෝ සංවිධානය රැවටූ බවත් බලය ලබාගත් වනම ඒ භාරත ප්‍රේමය නිමා වූ බව මෝදි කබාය ගැලවීමෙන් පැහැදිලි වන බව රාජපක්ෂ මහතා සල්මන් ඛාන් මහතා හා පවසා ඇත​.

ඉන්දියාවේ උදව් ගෙන බලයට පත්ව දැන් ඉන්දියාව කැඩීමට යාම යහපාලන රජයේ සැබෑ ස්වරූපය ලොවට හෙළි කිරීමක් බව ඒකාබද්ධ විපක්ෂයේ බැසිල් පිළේ ප්‍රබල සාමාජිකයකු අප හා පැවසීය​.

2 comments:

  1. ලුණු ඇඹුල් නම් ඩිංගක් මදි.. ඔහොම යන්කො..

    ReplyDelete
    Replies
    1. බොහොම ස්තූතියි අදහසට​. අපි බලමුකො :)

      Delete