මෙම සිදුවීමට හේතුව වී ඇත්තේ පෙරටුගාමී සමාජවාදී පක්ෂය විසින් ඔවුනට එල්ල වූ චෝදනාවක් පිළිබඳ දේශපාලන මණ්ඩලයේ ඇතිවූ සාකච්ඡාවකි.
අනුර දිසානායකට ඉංග්‍රීසි ඉගැන්වූ ගුරුවරියකගේ පුතකු වන කුමාර් ගුණරත්නම් ඔහුට අදාළ නැති බව ප්‍රකාශ කළ ද ජවිපෙ නායකයා ගුණරත්නම්ගේ පක්ෂය අදාළ නැති බව ප්‍රකාශ කර නැත. එසේ ප්‍රකාශ කළත් නොකළත් එම පක් ෂයෙන් ජවිපෙට එල්ලවන චෝදනා සුලුපටු නොවේ. එහෙයින් මෙම චෝදනාව කෙරේ ඔහු කිපී ඇති බව සඳහන් ය.
"අපි මාක්ස්වාදී නෙවෙයි ලු. අම්මප! කොහෙන් එන කතාවක් ද ඒක? අපි තමයි සැබෑ මාක්ස්වාදී. හොඳට තේරුම් ගන්න. මේ ධනපති පන්තිය එක්ක ගැටෙන හොඳම මාක්ස්වාදීන් තමයි ජනතා විමුක්ති පෙරමුණ. අපි බය නෑ පාවා දෙන්නන්ට. අම්මප!" ඔහු ප්‍රකාශ කර ඇත.
තව දුරටත් සිය අදහස පැහැදිලි කළ එතුමා මෙසේ ද සඳහන් කර ඇත.
"අපි 2001 පරිවාසෙ ගැහුව. 2004 එක්සත් ජනතා නිදහස් සන්ධානෙ ගහල 39 ක් පාර්ලිමේන්තු ගියා. වැව් දහ දාහක් හැදුවා... හැදුවෙ නෑ කියලද කියන්නෙ? නෑ කියලද කියන්නෙ? අපි එව්වයෙන් මාක්ස් දාගත්තෙ නැද්ද? හා නැද්ද?"
"යුද්දෙට රාජපක්ෂව මෙහෙයවල අපි මාක්ස් දාගත්තෙ නැද්ද? යුද්දෙ කෙලවෙයි කියල හිතල කඩාගෙන ගිහින් තිබ්බ මාක්ස් නැති කරගත්තෙ නැද්ද? සිරිසේනව ගේන්න එපා, ඒ වුනාට රාජපක්ෂව කොහොමත් එපා කියල මාක්ස් දාගත්තෙ නැද්ද? හා නැද්ද?"
"ඔය පෙරටුගාමීන්ට මේ කපේදි මාක්ස්වාදියො වෙන්න බෑ. උන්ට කවුරුවත් ලකුණක් දෙන්නෙ නෑ. අපි තමා මාක්ස්වාදී. අම්මප!" ඔහු සිය කතාව අවසන් කරමින් කියා තිබේ.
No comments:
Post a Comment