Friday, October 7, 2016

කාන්තාවන් මියගිය පසු වළ නොදමන රටක්

වගකීමෙන් යුත් මාධ්‍ය භාවිතාව පිළිබඳ බෙහෙවින් උනන්දු වන රත්නදීප Chronicle ඔබ වෙනුවෙන් රත්නදීපයේ මෙන්ම ඉන් පිටත ද සිදු වන දෑ වාර්තා කිරීමට බලාපොරොත්තු වන බව ඔබ දනී.

මෑතකදී වාර්තා වූ එවන් පුවතක් පිළිබඳ අපි ඔබ වෙත තොරතුරු දන්වන්නට කැමැත්තෙමු. මෙම පුවත අප හට දැන්වූයේ බ්‍රෝඩ්ලෑන්ඩ්ස් ජලවිදුලි බලාගාරයේ ප්‍රධාන ඉංජිනේරු තැන්පත් චීන ජාතික මහතෙකි.

ඔහුට අනුව ඔහුගේ පළාතේ සොහොන්වල වැළලී සිටිනුයේ පිරිමින් පමණකි. කාන්තාවන් වළ දමනු නොලබන අතර ඔවුන් මියගිය පසු ආදාහනය කර අලු ගඟේ පා කර හරිනු ලැබේ.

"අපේ සංස්කෘතියේ හැටියට කාන්තාවක් පොළව මට්ටමෙන් පහළ තැනකට යන්න සුදුසු නැහැ. ඒ නිසා අපි මියගියාමත් ඔවුන් වළ දමන්නේ නෑ"

එමෙන්ම කෘෂිකාර්මික හෝ වෙනත් කටයුත්තක් වෙනුවෙන්වත් කාන්තාවක් වළක් නොකපන බව ඔහු කියා සිටියේය​.

ඊට හේතුව නම් වැරදීමකින් හෝ අතක් පයක් පොළව මට්ටමෙන් පහළට ගියහොත් එය  අසුබදායක වන බැවිනි.

ඔහු මේ අදහස් දැක්වූයේ ඉංජිනේරුවරියන්ට බ්‍රෝඩ්ලෑන්ඩ්ස් ජලවිදුලි බලාගාරයේ භූගත ප්‍රදේශවලට නොයන ලෙස කර ඇති ඉල්ලීමක් සම්බන්ධයෙන් විමසූ අවස්ථාවේ ය​.

No comments:

Post a Comment