Friday, October 7, 2016

නවසීලන්තයේ දේශපාලන ක්‍රමවේදය ලංකාවට හරියටම හරි: දේශපාලන විශේෂඥයෙක්

නවසීලන්තයේ දේශපාලන ක්‍රමවේදය ලංකාවට හරියටම හරි යන බවත් ඒ පිළිබඳ කිසිදු සැකයක් තිබිය යුතු නොවන බවත් ලංකාවේ ප්‍රකට දේශපාලක විචාරකයකු රත්නදීප Chronicle සමඟ පැවසීය​.

ඔහු මෙම අදහස ප්‍රකාශ කළේ මෑතදී වික්‍රමසිංහ මහතා කළ ප්‍රකාශයක් පිළිබඳ අදහස් දක්වමිනි. වික්‍රමසිංහ මහතා නවසීලන්ත අගමැති ජෝන් කී සමඟ සාකච්ඡාවකදී ප්‍රකාශ කළේ ලංකාවට නවසීලන්ත මැතිවරණ ක්‍රමය හඳුන්වා දීම ගැන සිතන බවත් ඒ පිළිබඳ අධ්‍යයනය සඳහා මන්ත්‍රීවරුන් කණ් ඩායමක් එහි එනු ඇති බවත් ය​.

"ඇත්තෙන්ම ලංකාවට ගැලපෙන්නේ නවසීලන්ත ක්‍රමය තමයි" දේශපාලන විචාරකයා අප හා පැවසීය​. "මොකද නවසීලන්තයේ මිනිස්සුන්ට වඩා හරක් ජනගහනයක් සිටිනවා" ඔහු වැඩි දුරටත් ප්‍රකාශ කළේය​.

මේ අතර නවසීලන්ත අගමැතිවරයා සිය දූත කණ් ඩායමක් ලංකාවට එවීමට කටයුතු කරන බව තතු දත් ආරංචි මාර්ග පවසයි. ලංකාවේ දේශපාලන පරිවර්තනය උදෙසා අවශ්‍ය උපදෙස් ඔවුන් විසින් ලබා දෙනු ඇතැයි කියවේ.

No comments:

Post a Comment