"එයැයි හිතන් ඉන්නෙ මම තාම ආරක්ෂක ඇමති කියල" රාජපක්ෂ මහතා රත්නදීප Chronicle සමඟ පැවසීය.
ඊයේ පැවති රැස්වීමක දී සිරිසේන ජනාධිපතිවරයා වශයෙන් ආරක්ෂක අමාත්‍යවරයාට සිය පිළිකුළ සහ අප්‍රසාදය දක්වා සිටීම පිළිබඳ අදහස් දක්වමින් රාජපක්ෂ මේ බව කීවේය. වත්මන් ආරක්ෂක ඇමතිවරයා වන්නේ ද ජනාධිපතිතුමා ම බව රජය පවසයි.
"ජනාධිපති වෙලා මාස ගාණක් යනකල් එයැයි හරියට තේරුම් ගත්තෙ නෑ එයැයි ඉන්න තැන. දැන් නම් අඩු ගාණෙ තේරුම් අරන් තියෙනවා එයැයි ජනාධිපති කියල. ඒකත් ලොකු දෙයක්," රාජපක්ෂ කීවේය.
තවදුරටත් අදහස් දැක්වූ රාජපක්ෂ මහතා කියා සිටියේ මෙම ප්‍රශ්නයේ මූලාරම් භය 2015 ජනවාරි 9 වනදා සිදු වූ බව ය.
"මේකනෙ. නිදහස් චතුරස්‍රෙදි නෙ මෙයැයි දිවුරුම් දුන්නෙ. මෙයැයිටවත් ඇහුනෙ නෑ දිවුරුම් දීම. ඉතින් අද වෙනකලුත් එයැයිට සමහර වෙලාවට හිතෙනව එයැයි තාම සෞඛ්‍ය ඇමති කියල."
"මම කීපවිටක්ම මතක් කරල දුන්නා මම නෙවෙයි ජනාධිපති එයැයි කියල. දැන් තමා යන්තම් ඒක තේරුම් අරන් තියෙන්නෙ" රාජපක්ෂ කීවේය.
නමුත් සිරිසේන මහතාට ඔහු ශ්‍රී ලංකා නිදහස් පක්ෂයේ හෝ එක්සත් ජනතා සන්ධානයේ හෝ නායකයා බව නම් කිසිවිටෙක අමතක නොවන බව රාජපක්ෂ මහතා පවසයි. "සන්ධානෙ නම් මම දන්නෙ නෑ. නිදහස් පක්ෂෙ නම් දැන් නායකයා පරණ නායිකාවක්ම තමා" ඔහු තව දුරටත් කියා සිටියේය.
අගමැතිතුමා ද දිවුරුම් දුන්නේ එම අවස්ථාවේම බව අප විසින් මතක් කළ විට රාජපක්ෂ මහතා කියා සිටියේ 2015 අගෝස්තුවේ ඔහු නැවතත් දිවුරුම් දුන් බවයි.
අගමැති සහ ඇමතිවරුන්ට සිය තනතුරු පිළිබඳ කිසිදු සැකයක් නොමැති බවත් ඔහු ප්‍රකාශ කළේය.
ඊයේ දිනයේදී සිරිසේන මහතා සිය කතාව කරන විට රටේ හිටපු ආරක්ෂක ඇමති වන තමා තවමත් ආරක්ෂක ඇමති ලෙස සිටින බව ඔහුට මතක් වන්නට ඇති බව රාජපක්ෂ කියා සිටියේය.
"එයැයි ආරක්ෂක ඇමතිකම නැති වෙච්ච දවසක එයැයිට මතක් වෙයිද දන්නෙ නෑ එයා ආරක්ෂක ඇමති ය කියල. එහෙම වුනොත් ඉතින් අපේ රටට මින්නේරි දෙවියන් ගේ පිහිටයි" රාජපක්ෂ පැවසීය.
No comments:
Post a Comment