මෙම මුදල මගින් හින්දි සහ වෙනත් ප්‍රාදේශීය ඉන්දියානු භාෂා කිහිපයකින් වෙළෙඳ දැන්වීමක් නිර්මාණය කර දූර්දර්ශන්, සෝනි සික්ස් හා ප්‍රාදේශීය රූපවාහිනී නාලිකා කිහිපයක විකාශය කිරීමට බලාපොරොත්තු වේ.
මෙම වෙළෙඳ දැන්වීම් මගින් ඉන්දියානුවන්ට පසක් කරදීමට බලාපොරොත්තු වන්නේ ලංකාවේ අමුඩ ලේන්සුවල වැදගත්කමයි.
ගොවිතැන් කිරීම, දිය නෑම ආදී කටයුතුවලදී අමුඩය හැඳීමේ වාසි පිළිබඳව මෙහිදී විශේෂ අවධානයක් යොමු කෙරෙන අතර වෙනමම දැන්වීමක් මගින් අමුඩය අඳින තරුණයින් ඇගැයීම කෙරෙහි තරුණියන් යොමු කිරීමට ද බලාපොරොත්තු වේ.
Amudaya - the sexiest dress in South Asia යන තේමාව යටතේ මෙම වෙළෙඳ දැන්වීම් නිර්මාණය කරනු ලබන බව වාර්තා වේ. මේ අනුව ලංකාවේ ගැමි තරුණයින්, තරුණියන් ගේ සිත් දිනාගැනීම සඳහා අමුඩය යොදාගත් අවස්ථා පිළිබඳව ද මෙම දැන්වීම් මගින් කියාදීමට බලාපොරොත්තු වේ.
මුලින්ම මේ සඳහා Amudaya - the sexiest dress in the SAARC යන නම ද යෝජනා වූ නමුත් සාක් සමුලුව ලංකාව විසින් වර්ජනය කිරීම හේතුවෙන් එම නම හලා දමා තිබේ. එමෙන්ම ඉන්දියාවේ බහුතරයක් ජනයා සාක් සංවිධානය නමින් යමක් තිබෙන බව අසාවත් නැති බව ද ඉන්දියාවේ ප්‍රකට අලෙවිකරණ සමාගමක් ලංකා රජයට දන්වා තිබේ.
මේ වනවිට ද හඟුරන්කෙත ප්‍රදේශයේ අමුඩ ලේන්සු කර්මාන්තශාලාවක් ඇරඹීමට අවශ්‍ය කටයුතු සැකසෙමින් පවතී. එමගින් ප්‍රදේශයේ තරුණ තරුණියන් රැසකට රැකී රක්ෂා ලබා දීමට හැකි වේ යයි අපේක්ෂා කෙරෙන බව රජයේ ආරංචි මාර්ග පවසයි.
No comments:
Post a Comment